20. júní....mót nr. 8. -Mosó-

Það voru 6 laufléttir mættir á Hlíðavöll í gærkvöldi. Veðrið var flott, skýjað, smávindur og hlýtt. Ekkert til fyrirstöðu til að spila frábært golf.

Þór Björnsson mætti í fyrsta skipti á árinu og átti stórleik á köflum með gamla Ping-eye 2-járnið að vopni. Gamli stórmeistarinn Lee Trevino sagði eitt sinn að Guð gæti ekki einu sinni slegið með 2-járni, en Tóti fór létt með það.

Það var hinsvegar Eggert Sverrisson sem átti frábæran dag við Leirvoginn og skoraði heila 37 pkt. og sigraði loksins H.Bragason eftir 4 ára og 198 daga baráttu við kallinn.  Hlaut Eggert ískaldan Gull að launum. Vel gert Eggert.

Tvö móment standa uppúr eftir gærkvöldið. Eggert var að spila hina lævísu 16.braut og var kominn á góðan stað eftir drive-ið.  Annað höggið hans lenti hinsvegar inn í rósarunnanum við æfingasvæðið þar sem boltinn fannst inn í þyrnigerðinu. Meðspilarnir hvöttu kappann til að taka víti enda lífshættulegt að hætta sér inn í þennan karga og talsverð óvissa með útkomuna.  Eggert skeytti engu um þessi ráð og óð inn og sló boltan 3-4 mtr. tilbaka út úr þessu sem var býsna vel gert.  Hinsvegar kvartaði hann yfir þyrnum sem stóðu fastir í afturendanum á honum. Þá vildu meðspilarar ekkert aðstoða. Þarna lá boltinn 79 mtr frá holu. Ekki þarf að spyrja að leikslokum...Eggert setti hann beint í holu og easy-par niðurstaðan, takk fyrir.

Hitt mómentið átti hinn frábæri leikmaður Binni Stef.  Þegar kappinn hélt útá nesið klæddi hann sig í s.k. Kríu-brynju sem samanstendur af anorakk og hjálm.  Þar barðist hann um í varpinu, kaldsveittur á bakinu og allt snarvitlaust, allar kríurnar gerðu áras á þetta virki sem virkaði eins og segull á þær. Útskitinn og lemstraður komst hann á 10.braut og lauk leik með glæsibrag.

 

Sökum tæknilegra vandamála birtist myndin á hlið. Binni klár í nesið 

 

 

 

 

 

 

 

 

Úrslit kvöldsins.

Röð	Nafn	Pkt.	Bráðabanar
1	Eggert	37
2	Binni	34	19
3	Haukur	34	16
4	Haffi	26
5	Sig. Óli	24
6	Tóti	20

 

Staðan.

Sæti	Nafn	2.maí	9.maí	16.maí	23.maí	30.maí	6.júní	13.júní	20.júní	Samtals
1	Eggert	29	27	20	26	26	27	28	30	213
2	Haukur	30	29	27	28		22	27	28	191
3	Haffi	23	30	29	23	20	28		27	180
4	Raggi L.Kr.	25	21	25	29	25	29			154
5	Tommi	24	26	24		29	21	26		150
6	Binni	22	28		22			30	29	131
7	Halli	20	22	28	25	28				123
8	Sig. Egill	21	24	23	24	21				113
9	Sig. Óli	26						29	26	81
10	Beggi	28		21		30				79
11	Hergeir	27		26		24				77
12	Reynir				27	22	25			74
13	Hanna		25	22			20			67
14	Kjartan				30		30			60
15	Írunn			30		23				53
16	Viktor					27	23			50
17	Tryggvi					19	26			45
18	Ingvar				20		24			44
19	Tóti								25	25
20	Óli		23							23
21	Raggi Hil.				21					21