Haren-2011. Mót nr. 3. Hundadagamótið

Það voru 5 galvaskir spilarar mættir á teig fyrir sólarupprás á sunnudagsmorgni.  Halli búinn að hita upp í frá því fyrr um nóttina en Sigurður mætti úfinn eftir af drepist í sófanum hjá tengdó á meðan tívolíbombur menningarnætur sprungu fyrir utan gluggann.  Reynir mætti með glóðurauga eftir kinnhest konunar sem átti afmæli sama dag og mótið fór fram.  Tommi var fjarverandi og enginn varamaður í þetta skipti.  Hann hefur ekki  enn snúið tilbaka eftir borðtennis-æfingaferðina í vor og er líklegt talið að annaðhvort sé hann flúinn yfir eða hann sé í haldi N-Kórensku leyniþjónustunnar eftir að hafa verið handtekinn við að dreifa vestrænum áróðri á torgi hins mikla leiðtoga (samkvæmt heimildum þá voru þetta gömul Andrés blöð en það gabbar enginn leyniþjónustuna).

Gríðargóður árangur Sigga mágs er það sem stendur uppúr eftir þetta mót.  Greinilegt að sveiflubreytingarnar sem hann hefur verið að vinna í eru að skila sér.  Þarf reyndar súper-kælda rafeindasmásjá ti l að sjá þessar breytingar en þær eru allavegana að skila sér.

Spennan í mótinu er alveg gríðarleg og hefur Elo-stigakerfið aldeilis skilað sínu.  Siggi fór úr neðsta sæti uppí það efsta og Halli hrapaði niður í 4. Sætið og verður því áskorandi næst.  Miklar sviptingar eiga sér stað og verður gífurlega spenna í lokamótinu.

Þar sem vantaði einn spilara þá voru Elo-stigin fundin út með því að reikna meðalpunktafjölda áskorenda (Reynir og Siggi)  vs. Stórmeistara (Halli, Hergeir, Haukur).  Höfðu áskorendur betur eins og í fyrra móti.  Tommi  fær líka ELO-stig.

	26.maí	9.júlí	21.ágúst	Stig til Haren
	Mosó.	Mosó.	Mosó.
	Reykjavíkurmót	Miðsumarsmót	Hundadagamót
	Pkt. keppni	Pkt. keppni	Pkt.keppni
	14 holur	16 holur	18 holur
Halli	26	30	22	6+4+2
Siggi	25	24	38	5+1+6(+1)
Reynir	21	24	28	4+2+4(+1)
Tommi	17	29	0	3+3(+1)+0(+1)
Haukur	16	34	26	2+6(+1)+3
Hergeir	15	31	32	1+5(+1)+5

Elo-stig eru innan sviga.

	Sæti		Samtals stig til Haren-bikars
Stórmeistarar	1	Siggi	13
	2-4	Hergeir	12
	2-4	Haukur	12
Áskorendur	2-4	Halli	12
	5	Reynir	11
	6	Tommi	8

Röðin á sætum 2 -4 er fundin útfrá betra skori á seinni 9 holunum á laugardaginn. 

Næsta game er því:         Siggi vs. Tommi,    Hergeir vs. Reynir,   Haukur vs. Halli.