Öldungamótaröðin klárast

Já allt tekur enda og hin geysiskemmtilega öldungamótaröð kláraðist í gær.  Keppendur koma síðan heim í dag og má búast við góðum móttökum í Leifstöð.  Tíðindamaðurinn hefur fengið þjónustufólk flugstöðvarinnar að skilja eftir tvo rafdrifna hjólastóla fyrir Hermínu og Sigríði Grönfeld svo að þær eigi auðvelt með að komast í gegnum tollinn.  Það er líklegt að það verði þegið fegins hendi hjá þeim.  Það má svo búast við því að dagbók Sigríðar verði birt hér á blogginu á næstunni og að sjálfsögðu endanleg úrslit.  Sigríður vinnur að handbók fyrir útreikningar í íþróttaviðburðum og vonandi verður þessi bók einng birt hér á blogginu.  Það eru komnar nýjar myndir í albúmið Öldungamótaröðin 2011 og það má búast við miklu fleiri myndum þegar hetjurnar koma til baka.

Með kærri kveðju um góða heimferð.

Tíðindarmaðurinn

Athugasemdir

[H.Bragason from Kjölur Mosfellsbæ (IP-tala skráð) 1.11.2011 kl. 14:06]

Góða ferð félagar.  Búið að vera stórskemmtilegt að fylgjast með ævintýrum ykkar í suðurlöndum.  Bíðum spenntir eftir úrslitum...kannski að ELO-stig komi við sögu?. kv. HB