Haren - Grafarholti

Í gær var haldið Harenmót í Grafarholtinu í boði Reynis og hafi hann miklar þakkir fyrir það.  8 vaskir mættu til leiks og þar af var einn gestur, heimamaðurinn F. Nicklaus.  Veðurspáin var ekkert alltof góð og var Kári orðinn helvíti öflugur á síðustu brautunum.  Skipt var í 2 holl, ungir á móti gömlum og aukastig í boði ásamt einum ísköldum í lokin.  Ungir höfðu sigur 119 punktar gegnum 116 mjög gömlum punktum.  Einn ákveðinn hjá gömlum var mjög skömmustulegur í mótslokum og vildi frekar tala um veðrið en skorið sitt.   Garðyrkjufræðingurinn kom sterkur inn og kann vel við sig þessa dagana, ný búinn að vinna minningarmót Geira El.  Hann kann vel við sig í rokinu.  Svo voru 3 jafnir með 31 punkt en undirritaður fékk 2.sætið á betri seinni nýju.  Næst er stefnt að því að halda mót á heimavellinum á sunnudaginn.  Stóri dagurinn er svo eftir 2 vikur en stefnt er að Borgarnesi og Akranesi ( seinni hringur Texas).  Nú er mótstjórinn kominn aftur og sendi ég boltann til hans.

Athugasemdir

[Haraldur Þór, 10.9.2012 kl. 15:38]

Það er að verða óheyrileg spenna á toppnum sem gerir síðasta mótið enn skemmtilegra