Mót nr. 15.

 Það var fámennt en góðmennt á 15. móti sumarsins í Mosó.  Einungis "Aðalvindlarnir" mættir eins og Binni orðaði það skemmtilega.  Það má segja að þetta hafi verið ágætisupphitun fyrir þá sem ætla sér til Akureyrar um næstu helgi. Menn fengu vænan dass af rigningu í upphafi hringsins en létu það ekki á sig fá og héldu ótrauðir áfram. Svo rættist bara úr þessu og barinn opinn á 19., einn kaldur og allir kátir.  Skorið var svona og svona en það bar til tíðinda að títtnefndur tíðindamaður lækkaði forgjöfina sína með því að spila á 37 pkt.  Hann mætti til leiks með s.k. "gamlamannasveiflu" sem hann hafði fundið á jútjúbb, nema hvað þetta svínvirkaði.  Sagðist hann aðspurður vera undirbúa Floridadvölina á elliárunum og rétt væri að undirbúa sveifluna strax.

Annars breyttist staða efstu manna ekkert.  Haffi City-maður með meiru, náði öðru sæti. Einhver spenna er komin í það að ná 4.sætinu (sem tryggir viðkomandi meistardeildarsæti með öllum þeim peningu sem því fylgja).  

Ég hef sett ljósbláan lit ManCity, á sigurvegara einstakra móta fram að þessu.  Annar litur kom ekki til greina!