HOS 2014

Jæja...biðin á enda og mótaröðin að bresta á.  Mánudaginn 5. maí störtum við mótaröðinni sem hefur nú fengið skammstöfunina HOS (Haren Og Snuddur).  Nafnabreytingunni fylgir hærra verðlaunafé enda Snuddurnar þekktar fyrir ítök og vinskap við fjármálaöfl landsins.  Ólíkt fyrri árum er áætluð mæting í fyrsta mót gríðargóð, allavegana þegar þetta er skrifað.  Greinilegt að spenna er mikil og menn búnir að vera í æfingabúðum hingað og þangað um heiminn.

Einhverjar breytingar munu líta dagsins ljós á mótaröðinni.  Klárt er að fleiri mót en 6 munum vera látin gilda til útreiknings, talan 8 er líkleg.  Þess má geta að 16 mót voru leikin árið 2013 sem var algjört met. Sett verða á nokkur Risamót.  Enginn aukastig verða í boði nema á Risamótunum. Mótastjórinn mun síðan gefa út hvenær Texas fyrirkomulagið er notað auk þess sem hann hefur boðað e.k. útfærsla á Ryder mun verða leikin.

Við bjóðum alla keppendur velkomna.   Njótið útiverunnar í góðra vina hópi og umfram allt; "Sláið í gegn" á HOS 2014 !!  .

 

Keppendur á HOS-2014 komu saman til hópmyndatöku fyrir skemmstu.