19. maí...HOS nr. 3

3. mót HOS var haldið við frekar svalar aðstæður í Hlíðavelli.  Vonast hafði verið til að hægt væri að leika með Ryder-fyrirkomulagi en á síðustu stundu klikkaði 12 maðurinn þ.a. hefðbundinn punktaleikur, kenndur við Stableford, varð fyrir valinu.  

Mótaröðin fer nokkuð spennandi af stað þetta vorið. Ýmsar vonarstjörnur eru að skjóta upp kollinum og gera tilkall til HOS-jakkans sem reyndar hefur aldrei verið afhentur, en það mun vera bætt úr því í haust (það vantar nefnilega olnbogabæturnar á jakkann, en það er algert skilyrði að þær séu á eins og stendur í fundagerðabók mótaraðarinnar frá árinu 2005). Valdir kaflar úr þessari merku bók verða birtir síðar . Tíðindamaðurinn er oft heitur á vorin eftir vetrargolfið en dettur svo of fljótt í hvítvínið. Reynir sýnir talsverðan stöðugleika í sínum leik. En allir bíða með öndina í hálsinum eftir að stóru kanónurnar fara að blasta.  Menn eins;  Heggi heiti, Siggi sjóðheiti, Halli Hizbolla, Tryggvi taylormade og Raggi rosalegi munu klárlega fara að springa út. Þá er nú einsgott að vera með rafsuðugleraugun á nefinu þegar þessir kappar fara að lýsa eins og þúsund sólir. Ósjálfrátt heyrir maður stefið úr Ókindinni þegar maður nefnir þessi nöfn...og fær hroll niður bakið 

 

En þá að úrslitum kvöldsins:  

Nafn	Pkt
Haukur	38
Binni	36
Ingvar	34
Reynir	29
Frikki	29
Siggi	28
Hergeir	28
Raggi K	26
Tryggvi	24
Óli	23
Tommi	20

 

Staðan í HOS 2014:

Sæti	Nafn	5.maí	12.maí	19.maí	Samtals
1	Haukur	19	16	20	55
2-3	Binni	12	18	19	49
2-3	Hergeir	18	17	14	49
4	Reynir	16	15	17	48
5	Ólafur	14	19	11	43
6	Ingvar	10	11	18	39
7	Raggi K	13	12	13	38
8	Frikki	20		16	36
9	Siggi	16		15	31
10-11	Tommi		20	10	30
10-11	Halli	17	13		30
12	Tryggvi	11		12	23
13	Haffi		14		14
14	Axel		10		10