1. sept...HOS nr. 18

Það voru 7 fimir og frískir mættir í síðasta mánudagsmót sumarsins á Hlíðavelli.  Aðstæður voru blautar í upphafi en samt nokkuð hlýtt en allt lagaðist þegar á hringinn leið.  Binni og Reynir börðust um sigurinn og fór svo að lokum að Binni hafði hann (skorkortið er þó ekki yfirfarið af aðalendurskoðanda mótaraðarinnar þar sem Binni neitaði að láta það af hendi ).

Þá hafa mánudagsmótin sungið sitt síðasta þetta sumarið.  Alls náðist að halda 18 mót sem er alveg frábært.  Að auki var mætingin alveg frábær, oftast 3 holl eða meira.  12 spilarar af 15 hafa náð 8 mótum eða meir. Ef rýnt er í töfluna má sjá að Siggi er með flestu sigrana eða 4 en svo koma Halli og Binni með 3.  

En mótið er langt frá búið.  Um næstu helgi verður leikið til úrslita.  Alls hafa 11 tilkynnt sig í mótið. Tólfti maðurinn er heiðursgestur og er ekki af verri endanum.  Hann kemur alla leið frá Noregi þar sem hefur hann lagt stund á battavallaknattspyrnu og langstökk og er héraðsmeistari í Múmíndal (sem er lítið innskot innst í Guðbrandsdal ).

 

Úrslit kvöldsins. 

Nafn	Pkt.
Binni	33
Reynir	32
Halli	28
Haukur	28
Frikki	27
Siggi	26
Axel	25

 

Staðan. (smella á til að stækka).