23. maí....mót nr. 4. -Mosó-

Það þurfti bara smávætu og þá sprungu menn út eins og sumarblóm. 11 mættir og allflestir að spila vel.  3 efstu með mikla forgjafarlækkun.  Ragnar Lárus hitti naglann á höfuðið á 19ándu..."bara hætta telja vindhöggin þá lagast skorið verulega" .

Annars er saga dagsins af Ragnari Hilmars. Eins og flestir vita er hann atvinnumaður í golfi og því við miklu að búast. En þar sem hann er pro þá er hann vanur rennisléttu bermúdagrasi heima í Leirdalnum. Nema hvað á 6. braut slær hann ágætisdræv sem reyndar fer út í íslenska náttúru og kemur 50 mtr. tilbaka af aldagömlu hraungrjóti. Þar liggur boltinn í móanum með grjót allt um kring. Raggi tekur sitt trausta 7járn (sem betur fer því fyrst hélt hann rándýru 7tré sem TaylorMade útvegar atvinnumönnum).  Þegar höggið ríður af flýgur hausinn af 7járninu eins og maður gæti ímyndað sér brotin þyrluspaða þjóta af. Tíðindamaðurinn stóð með hljóðnemann ekki allfjarri og þakkar almættinu fyrir staðsetninguna þegar hausinn kom fljúgandi. Kúlan hinsvegar, fór af miklu afli ofarlega í innanvert lærið á Ragga, talsvert nærri, tveimur afar verðmætum kúlum (dúsín af slíkum kúlum er mun dýrara en dúsín af Pro V1). Allt endar um síðir og kúlan fór ofan í holuna í 13ánda höggi með 4 vítahöggum. Eftir þessar svaðilfarir sló Raggi, hálfhaltur, miklu betur og allt strikbeint . En það er allavegana á hreinu hver tekur vítin í þessum hóp .

Við fögnum því að Reynir Stefáns er mættur á svæðið og gerði hann það með miklum bravúr og setti í 33 kvikindi.  Ingvar mætti einnig í fyrsta skipti á árinu. Það lá því vel við að þeir Liverpool félagar, hann og Sig.Egill skoruðu á þá grjóthörðu Arsenal-menn Ragnar Lárus og Binna. Þar þurfti ekki að spyrja að leikslokum, Skytturnar tóku það. Arsenal mennirnir voru síðan kokhraustir á 19ándu og sögðust treysta sér til að vinna þá aftur, klæddir í skósíða Nike/Wenger-svefnpoka. Sjáum til næsta mánudag.

Annars mætti nýr maður á svæðið, Kjartan Ragnarsson, fyrrverandi formaður Fram og tannlæknir (það varla leikfært í HOS-mótaröðinni nema að það sé a.m.k. einn formaður Fram við leik).  Við bjóðum hann velkominn. Sá kann aldeilis að fylla í holurnar og skoraði 42 pkt. Við erum spenntir fyrir framhaldinu.

 

Úrslit kvöldsins:

Röð	Nafn	Pkt.	Bráðabanar
1	Kjartan	42
2	Raggi L K.	39	21
3	Haukur	39	20
4	Reynir	33
5	Eggert	32	18
6	Halli	32	13
7	Sig. Egill	31
8	Haffi	29
9	Binni	28
10	Raggi Hil.	26
11	Ingvar	23

 

Staðan:

Sæti	Nafn	2.maí	9.maí	16.maí	23.mai	Samtals
1	Haukur	30	29	27	28	114
2	Haffi	23	30	29	23	105
3	Eggert	29	27	20	26	102
4	Raggi L.Kr.	25	21	25	29	100
5	Halli	20	22	28	25	95
6	Sig. Egill	21	24	23	24	92
7	Tommi	24	26	24		74
8	Binni	22	28		22	72
9	Hergeir	27		26		53
10	Beggi	28		21		49
11	Hanna		25	22		47
12	Írunn			30		30
13	Kjartan				30	30
14	Reynir				27	27
15	Sig. Óli	26				26
16	Óli		23			23
17	Raggi Hil.				21	21
18	Ingvar				20	20