2. Mót. -Mosó 13.maí-

Það voru 7 góðir spilarar mættir í blíðuna í Mosó í gærkvöldi. Talsverð afföll urðu á lokametrunum fyrir mótið og geta þeir sem ekki mættu nagað sig í handabökin því aðstæður voru frábærar, dandalablíða og völlurinn í toppstandi.

Mótið sjálft var frekar tíðindalítið en á endanum stóð uppi óvæntur sigurvegari. Spilamennska hans var hálfgert skrípó. Mátti sjá hann hingað og þangað í móanum kringum völlinn en einhvern veginn tókst honum að henda í nokkuð gott skor sem byggðist m.a. á ævintýralegum púttum sem stundum komu úr öðrum póstnúmerum en 270 .

Stærstu fréttirnar frá gærkvöldinu voru kannski þær; að á meðan leikar stóðu sem hæst þá fæddist stúlkubarn í Reykjavík. Þar var í heiminn mætt fyrsta afabarn Hergeirs El. Talsverð spenna var í holli Hergeirs þar sem útvíkkunartölur frá Reykjavík bárust jafnóðum og punktar voru reiknaðir. Það gat aldrei endað vel og allt fór í tómt rugl. Þetta þýddi kærur og endurútreikninga, og kom í ljós í morgun að mótið hafði verið mun meira spennandi heldur en fyrstu tölur gáfu til kynna.

Hanna slúttaði svo kvöldinu með feiknagóðu reykspóli þ.a. svifryk var með hæsta móti í höfuðborginni í dag

 

ÚRSLIT
Sæti	Nafn	Pkt.	B.banar
1	Haukur	35
2	Halli	32	9
3	Tommi	32
4	Sig Egill	28	9
5	Hergeir	28
6	Viktor	25
7	Hanna	23

 

STAÐAN:

Sæti	Nafn	6.mai	13.mai	Samtals
1	Halli	60	54	114
2	Tommi	54	50	104
3	Haukur	38	60	98
4	Hergeir	48	46	94
5	Sig.Egill	44	48	92
6	Viktor	34	44	78
7	Jói	50		50
8	Jón Ari	46		46
9-10	Óli	42		42
9-10	Hanna		42	42
11	Tóti	40		40
12	Eggert	36		36
13	Haffi	32		32
14	Ragnar L.	30		30