1. Mót. -Mosó 11.maí-

HOS skipalestin lagði af stað í vorkalsa og pusi þetta árið. Áhafnarmeðlimir voru þó brattir og var skipstjóri mótaraðarinnar settur í fyrsta holl. Var það sett í hendurnar á honum hvort beygt skyldi af við Blikastaðanes eða gefið í og haldið út á nesið. Þegar tilkom tók skipstjóri af skarið og beygði af. Boðin náðu þó ekki alveg eyrum öftustu áhafnarmeðlima sem óðu útá nes en með snarræði nokkurra háseta miðskips tókst að snúa þeim við. Allir komu í höfn á 19ándu holu misblautir og sumum nokkuð heitt í hamsi yfir þessari ákvörðun. En svona er nú íslenska sumarið, allra veðra von og ekkert við því að segja. 

Þar sem 14 holur voru leiknar þá miðast pkt.fjöldinn við það. En að sjálfsögðu breytast þessir pkt. svo í HOS-stigin mikilvægu.

Skor helmings manna reyndist bara alveg ágætt. Hinir hafa veðrið til afsökunar.

Sigurður Egill kom skemmtilega á óvart og sigraði fyrsta mót sumarsins. Alltof langt síðan að þessi snillingur lét að sér kveða og mætir sterkur til leiks þetta árið. TT fylgdi fast á eftir og gefur ákveðin skilaboð um að hann ætli ekki að vera neinn áhorfandi sumar. 

Nú hefur verið tekið upp nýtt forgjafarkerfi sem og nýtt vallarmat á Hlíðavelli. Undirritaður hvetur menn til að fylgjast vel með forgjöf sinni sem og vallarforgjöf þegar þeir mæta til leiks á mánudögum. Þetta er talsvert öðruvísi kerfi. Sem dæmi þá er ekkert grátt svæði lengur og forgjöfin breytist skv. meðaltali 8 bestu hringja af síðustu 20 sem leiknir hafa verið.  Eitt er þó víst; Þetta verður stórskemmtilegt og æsispennandi eins og alltaf . 

 

ÚRSLIT
Sæti	Nafn	Pkt.
1	Sig.Egill	28
2	Tryggvi	27
3	Hergeir	26
4	Haukur	26
5	Tóti	26
6	Jón Ari	25
7	Viktor	23
8	Ragnar	23
9	Halli	21
10	Tommi	21
11	Ingvar	20
12	Eggert	20
13	Jói	17

 

STAÐAN
Sæti	Nafn	11.mai
1	Sig.Egill	60
2	Tryggvi	54
3	Hergeir	50
4	Haukur	48
5	Tóti	46
6	Jón Ari	44
7	Viktor	42
8	Ragnar	40
8	Halli	38
9	Tommi	36
10	Ingvar	34
11	Eggert	32
13	Jói	30