5.sept. LOKAMÓT. -Hella og Hellishólar-

7.9.2020 | 11:07

5.sept. LOKAMÓT. -Hella og Hellishólar-

Sól skein í heiði þegar leikmenn HOS-mótaraðarinnar héldu austur yfir Hellisheiði til að berjast í úrslitaorrustu um HAREN-jakkann og til að fá nafn sitt greypt á silfurbikarinn fagra sem fylgir sæmdinni. Sumir voru sparibúnari en aðrir í tilefni dagsins og mætti t.d. mótstjóri í glæsilegu dressi sem hæfði deginum, alhvítu frá toppi til táar og með hvít sólgleraugu í stíl. Svalara verður það ekki.

Létt var yfir mönnum er komið var á fyrri leikstað dagsins sem var Strandavöllur á Hellu. Fyrirkomulagið kunnuglegt; Tvö 9 holu mót sem bæði innihéldu einstaklingskeppni og liðakeppni. Strandavöllur heilsaði með fremur lágu hitastigi og meiri vind en spár höfðu gert ráð fyrir. Þetta lagaðist þó er á daginn leið og var komin bongoblíða þegar á seinni hluta keppninnar leið. Mjög fínt skor sást hjá mörgum leikmanninum. Til að mynda kom ríkjandi meistari H.Elíasson inná 21 pkt. á fyrri 9 holunum og hélt í veika von um að geta mögulega skákað tveimur efstu mönnum mótaraðarinnar, Tryggva og Sigga.

Tryggvi sem var náttúrulega í bílstjórasætinu fyrir mót var alveg ískaldur og passaði að sjá alltaf til lands og spilaði sitt venjulega örugga golf sem tryggði honum á endanum góðri forystu fyrir lokaslaginn á seinni leikstað dagsins sem var á Hellishólum.

Hanna kom svo sterk inn í seinna mótinu á Hellu og skoraði glæsilega 20 pkt. og tryggði sér sigur þar.

Liðakeppnin var síðan aldrei spurning, hvorki á fyrri né seinni hring. Þar sigraði glæsilegasta klædda lið keppninar, Haraldur, Hanna og Írunn örugglega. Bændur í sveitinni hreinlega stöðvuðu mjaltir til að líta dýrðina augum; Halli eins og stórstjarna frá Hollywood, strollaði um völlinn með tvær dömur sér við hlið.

Á meðan leikmenn nærðu sig á ungverskri gúllassúpu reiknuðu mótastjóri og töflumeistari út stöðuna og röðuðu í lið fyrir seinni hluta dagsins. Eftir talsverða útreikninga og marga skrifstofubráðabana lágu úrslit eftir Hellu ljós fyrir; Halli og Írunn höfðu sigur í samanlögðu stigaskori. H.Elíasson kom svo þriðji.

Var nú haldið í Fljótshlíðina nánar tiltekið á Þverárvöll á Hellishólum. Þar skyldi síðasti bardaginn háður. Fyrirkomulagið var tveggja manna TEXAS-scramble.

Veður var orðið hið besta, hlýtt og stillt. Thule-inn var farinn að fljúga og menn að heldur betur farnir að kætast. Sá hvítklæddi var nú kominn með sólgula peysu yfir axlirnar og hafði þá lúkkkið breyst úr Hollywood stjörnu yfir í sólbrúnan Svía á skútu í sænska skerjagarðinum.

Skemmst er frá því að segja að eftir hörkuspennandi keppni og nokkra skrifstofubráðabana sigruðu Jói og Hanna TEXAS-inn.

Þar með var allt ráðið og nú var haldið í fordrykk til Ingvars og Kristínar sem hafa byggt sér glæsilega aðstöðu í Fljótshlíðinni. Þar var ekki í kot vísað. Smurt og með því var á boðstólum eins og tíðkast í sveitum landsins og var veitingunum gerð góð skil. Hafðu þökk fyrir Ingvar...þetta var alveg 100% hjá þér.

Enn og aftur var haldið af stað og nú var næsti áningarstaður, Kötlusel sem er stórglæsilegur búgarður Tomma og Írunnar. Á þessum tíma voru menn orðnir söngglaðir og enn voru mjaltir truflaðar í sveitinnni en nú með fögrum söng þegar tekið var hressilega undir laginu "Take on me" með norsku hljómsveitinni AHA.

Í Kötluseli var slegið í stórkostlega lokahátíð. Nautasteik með alles, skolað niður með rauðu. Írskt kaffi og að lokum ómælt G & T. Við þökkum Tomma og Írunni kærlega fyrir móttökurnar. Það er ómetanlegt að geta fengið inni í svona glæsilegum vistarverum þegar mótið er gert upp.

Eftir að menn höfðu gert veitingum skil hófst svo verðlaunaafhendingin.

Meistari síðaðasta árs H.Elíasson afklæddist nú jakkanum og færði golfmeistara ársins 2020, Tryggva Tryggva, í HAREN-jakkann. Mótstjóri afhenti svo meistaranaum bikarinn til varðveislu í eitt ár. Það var ekki laust við tár sæjust á hvarmi hjá mönnum við athöfnina. Tryggvi hélt stutta og hnitmiðaða þakkarræðu þar sem hann sagðist afar stoltur af afrekinu enda löng og erfið leið farin til að sigra þetta mót. Að vísu hafði síðar á orði nánar tiltekið þegar komið var heim til höfðuborgarinnar og menn ýmist sofnaðir eða orðnir sauðdrukknir að hann hefði eiginlega verið að vinna fyrstu alvöru Rónakeppnina !

Í fyrsta sinn í sögu mótsins var dregið úr skorkortum og var það vel til fundið hjá formanni afhendingarnefnda, Sig.Agli, að koma þessum ómissandi lið allra golfmóta að. Ef einhverjir voru svekktir að missa af jakkanum þá var það heldur betur bætt upp þarna.

Eftir allt þetta tóku við almenn fagnaðarlæti. DJ Dr. Gauti sá tónlistavalið og það þýddi bara eitt...menn fóru út á pall að dansa. Tíðindamann rekur ekki í minni að dansað hafi verið áður á lokahófinu og vonandi er sú hefð komin til að vera. Ekkert jafnendurnærandi en góður dans við félagann eftir erfiðan dag á golfvellinum.

Að lokum kvaddi Tommi hópinn með gítarslætti og söng þar sem allir tóku undir í "Ferðalokum".

Stemmingin var fullkomnuð þar og frábær endir á góðu golfsumri.

HELLA
				Einstaklingskeppni		Liðakeppni
Liðskipan á Hellu		Sæti	Nafn	Mót-1.	Mót-2.	Mót-1.	Mót-2.	Stig á Hellu
Mót-1 (fyrri 9)	Mót-2 (seinni 9)	1-2	Írunn	50	56	40	40	186
		1-2	Halli	52	54	40	40	186
Tryygvi-Haffi	Tryggvi-Tommi	3	Hergeir	60	52	32	36	180
Sig.Egill-Tommi	Sig.Egill-Haffi	4	Hanna	36	60	40	40	176
		5	Tryggvi	58	46	36	32	172
Haukur-Eggert	Haukur-Raggi	6	Tommi	54	58	24	32	168
Tóti-Raggi	Tóti-Eggert	7	Jói	56	42	28	36	162
		8	Haffi	44	44	36	28	152
Hergeir-Gauti	Hergeir-Jói	9	Sig.Egill	46	50	24	28	148
Viktor-Jói	Viktor-Gauti	10	Tóti	48	40	20	24	132
		11	Gauti	42	36	32	20	130
Halli-Írunn-Hanna	Halli-Írunn-Hanna	12	Eggert	38	48	16	24	126
		13	Viktor	32	34	28	20	114
		14	Haukur	40	38	16	16	110
		15	Ragnar	34	32	20	16	102
		16	Ingvar					0

HELLISHÓLAR
TEXAS SCRAMBLE
Sæti	Lið		Nettó högg	Bráðabanar. Færri högg á síðustu 3.	Stig
1	Jói	Hanna	26		60
2	Haukur	Gauti	27		56
3	Halli	Tommi	28		52
4	Sig.Egill	Raggi	29	10	48
5	Tryggvi	Írunn	29	11	44
6	Viktor	Haffi	29	13	40
7	Hergeir	Ingvar	30		36
8	Eggert	Tóti	33		32

LOKASTAÐA 2020
Sæti	Nafn	11 bestu	Hella	Hellishólar	Samtals stig
1	Tryggvi	658	172	44	874
2	Sig.Egill	654	148	48	850
3	Hergeir	602	180	36	818
4	Jói	590	162	60	812
5	Haukur	622	110	56	788
6	Tóti	610	132	32	774
7	Halli	520	186	52	758
8	Tommi	536	168	52	756
9	Viktor	592	114	40	746
10	Haffi	542	152	40	734
11	Gauti	546	130	56	732
12	Eggert	522	126	32	680
13	Hanna	440	176	60	676
14	Jón Ari	476	0	0	476
15	Ingvar	434	0	36	470
16	Binni	462	0	0	462
17	Ragnar	262	102	48	412
18	Írunn	0	186	44	230
19	Reynir	196	0	0	196
20	Beggi	174	0	0	174
21	Óli	70	0	0	70