3.Mót. -Mosó 17.maí-

11 kvikindi mættu þennan mánudaginn í týpísku maí veðri, þurrt, nokkrar gráður og smá vindur.  Að vanda voru síðustu holurnar leiknar í of fáum gráðum.  Tóti stal senunni í kvöld og henti í heila 42 punkta.  Heyrðist samt að hann hafi ekki verið alveg ánægður og taldi upp einhverja punkta sem hann hefði getað gert betur.   En frábær hringur hjá kappanum og verðskuldaður, enda duglegur að æfa og spila. 

Annars er skorið að lagast hjá öllum og fleiri og fleiri að henda í 30 punkta plús.  Gauti ennþá stabíll og spilar bara á 34-36 punktum.  Myndlistamaðurinn virðist einnig vera að vakna.  Defending Champion er eitthvað lúinn núna á vordögum og eins og var vitað er erfitt að bera græna jakkann á herðunum, bæði þröngur og þungur. 

Það bar helst til tíðinda að 2 herramenn spóluðu í burt eftir hringinn umvafnir spilaskuldum og er þeirra nú leitað af helstu handrukkurum landsins.   

Á 19 holunni beið svo mikill glaðningur þegar Binnsi Freyr tók á móti hópnum.  Héldum að hann væri að heilsa upp á okkur en þá var hann bara að bíða eftir Gauta og panta hjá honum skrúfur, hnjáliði , hnédempara, olnbogahlífar, verkjatöflur og skurðaðgerðir, þannig að hann gæti spilað golf.  Gauti sagði honum bara að fá sér golfbíl. 

Ég vil þakka ritaranum fyrir einstaklega góð störf þennan mánudaginn enda með einstaklega fallega rithönd.  Takk ÁS.  Fyrir hönd Ásana þökkum við tíðindamanninum traustið að fá að halda utan um þessa hjörð af snillingum þennan mánudaginn.    Geri ráð fyrir að Diggerinn og Túkall mæti næst og taki við keflinu.  Sennilega stutt í stórmót sem Defending Champion mun stóla á í sumar.

 

ÚRSLIT KVÖLDSINS:

Sæti	Nafn	Pkt.	Bráðabanar
1	Tóti	42
2	Tommi	35
3	Gauti	34	22 p. á seinni 9
4	Jói	34	19 p. á seinni 9
5	Eggert	32	12 p. á síðustu 6
6	Viktor	32	10 p. á síðustu 6
7	Sig.Egill	30
8	Írunn	29	17 p. á seinni 9
9	Jón Ari	29	12 p. á seinni 9
10	Hergeir	28
11	Tryggvi	24

 

STAÐAN:

Sæti	Nafn	3.mai	10.mai	17.mai	Samtals
1	Tóti	50	60	60	170
2	Gauti	60	54	50	164
3	Eggert	46	50	46	142
4	Jón Ari	48	48	38	134
5	Tommi	40	28	54	122
6-7	Jói	36	34	48	118
6-7	Sig.Egill	30	46	42	118
8-9	Tryggvi	44	36	34	114
8-9	Viktor	38	32	44	114
10	Hergeir	32	42	36	110
11	Haukur	54	44		98
12	Halli	42	40		82
13	Írunn			40	40
14	Haffi		38		38
15	Ingvar	34	0		34
16	Ólafur		30		30