Coke vs. Pepsi. Umfjöllun um mót 4 í Leirunni.

Tíðindamaður mótaraðarinnar var mættur í Leiruna til að berja snillingana á augum.  Mótastjóri ákvað skiptingu liða í ungir (Pepsi) vs. gamlir (Coke). Tíðindamaður sá fljótlega að betra væri að fylgja Coke-liðinu eftir, ef hann ætlaði að læra eitthvað af þessu. Þarna voru tómir snillingar á ferð og yfirburðirnir algjörir. Þá gerðist það sem tíðindamaðurinn hefur aldrei upplifað áður og mun sjálfsagt aldrei upplifa aftur; Tommi, sem er einn albesti leikmaður keppninnar, veiktist af svínainflúensu á 6.braut og átti sér ekki viðreisnar von. Til að bæta gráu ofan á svart smitaði hann Hergeir, einn albesta leikmann mótaraðarinnar, á 8. braut.  Það var því þyngra en tárum taki fyrir tíðindamanninn að fylgjast með hinum fallna klúbbmeistara reyna að draga vagninn, gjörsamlega týndan í vonbrigðum yfir slökum árangri á HIT-mótaröðinni.  Það sem er á manninn lagt, ja Drottinn minn dýri.

 Myndirnar tala sínu máli. 

 

 

 

 

 

Pepsi-liðið, áður en lagt er af stað. Maður myndi ekki veðja mörgum dollurum á þetta bunch....en þeir sem gerðu það græddu vel .

 

 

 

 

 

Coke-liðið áður en lagt var í'ann. Sigurstranglegra lið hefur ekki sést síðan Fram lék við Real Madrid á Laugardalsvellinum 1972.

 

 

 

 

 

 

H. Elíasson gengur þungstígur og fárveikur af svínainflúensu eftir 18 brautinni. Ber sig þig merkilega vel þrátt fyrir 43.stiga hita á celcius og vitandi það að leikurinn væri tapaður.

 

 

 

 

 

Stardust setur birdie-púttið í á 18undu, eftir að Jerry hafði vippað í stöngina fyrir rare-eagle.

Takið eftir að Stardust notar driver-pútterinn til að klára dæmið.

 

 

 

 

 

 

Þessi mynd segir meira en 1000 orð. Fögnuður Pepsi-liða algjör og maður veit ekki hvað snýr upp og niður í heiminum ...til hamingju ungir...