Mót-7. Brautarholt. 1. júlí.

Vegna meistaramótsviku á Hlíðarvelli var spilað í Brautarholtinu í þetta skiptið. Að venju gildir einnig hringur spilaður í meistaramóti á spiladegi. Það átti við í einu tilviki.

Það var blés hressilega á spilara þennan mánudaginn í Brautarholtinu, sérstaklega á fyrri níu en aðeins skaplegri aðstæður voru á seinni níu. Það sést líka vel á skorinu að flestir bættu og jafnvel stórbættu punktaskorið á seinni níu.

 

Eggert "El Chapo" lét þó vindinn ekki á sig fá og skilaði hreint ótrúlegum hring á 37 punktum. Frábærlega gert í krefjandi aðstæðum. Haukur spilaði einnig mjög vel á 33 punktum sem skilaði öðru sæti. Þriðja sætið náðist á 28 punktum og var það Haffi sem spilaði í rokinu á Hlíðarvelli í meistaramótinu.

Þetta er í fyrsta sinn sem 3ja sætið fer undir 30 punkta, en hingað til hefur þurft hið minnsta 33 punkta til að landa 3ja sætinu. Þetta skor endurspeglar vel þær krefjandi aðstæður sem spilað var við þennan mánudag.

 

Hér að neðan má sjá úrslit 7. spilaviku. Haffi leiðir í heildarstigakeppninni aðra vikuna í röð, en hann er einn tveggja spilara sem hafa spilað allar sjö spilavikurnar og fleiri mót telja því hjá honum en flestum öðrum. 

 

 

 

 

 

 

 

 

 

 

 

 

 

 

 

 

 

 

 

Mót-6. Mosó. 24. júní.

Það gekk á með hressilegum skúrum í Mósó í gær þar sem 13 spilarar kepptu um stigin í boði.

Skorið var óvenju jafnt og þurfti að grípa til skrifstofu-bráðabana í allnokkrum tilvikum.

Mótið vannst á 37 punktum og var það doktorinn geðþekki G Laxdal sem landaði sigrinum. Samspilarar Gauta sögðu hann hafa verið hreint magnaðan í sandinum og afrekaði að ná svokölluðu "sandsave í fjögur skipti á hringnum. 

Geri aðrir betur! Gauti hlýtur tilnefninguna sandmeistari og mætir næst í doppóttum bol (ala fjallameistarinn í Tour de France) og fær að sjálfsögðu aukastig að launum.

Haffi spilaði solid golf og skilaði sér á 36 punktum í öðru sæti og Haukur í þriðja með 35 punkta.

Þrír spilarar voru svo jafnir í 4-6 sæti með 34 punkta, Hanna, Írunn og Tóti og þar þurfti að grípa til skrifstofu bráðabana til að úrskurða um röðun.

Hanna og Írunn voru báðar með 17 p á seinni níu en Hanna hafði betur með 6p (vs. 5p.) á síðustu 3 holunum. 

Tóti spilaði fantavel á fyrri níu (22 p.) en mun síður á seinni níu, sem nota bene voru fyrri níu holurnar í gær þar sem ræst var út á 10. holu.

 

Í heildarstigakeppninni hafa þau tíðindi gerst að Hergeir er ekki lengur í toppsætinu en hann hefur haldið í það síðan í annarri spilaviku. Haffi hefur nú tyllt sér í toppsætið og kuð það vera í fyrsta sinn sem hann vermir það sæti á öllum þeim fjölmörgu árum síðan hann hóf keppni í mótaröðinni. Sumir læra seint en læra þó. Minnt skal á að það er aðeins búið að spila 6 mót og enn eru fjölmörg mót eftir á mótaröðinni (amk 10). 

 

Í næstu viku verður meistaramót GM í gangi á Hlíðavelli og færist keppnin því líklega á annan völl af þeim sökum. Mótanefnd vinnur í málinu.

 

 

 

 

 

 

 

 

 

 

 

 

 

 

 

Mót-5. Mosó. 17.júní.

Þjóðhátíðardeginum 17. júní var fagnað með 5. mótinu á Fram mótaröðinni.

Veðrið var ákaflega stillt, 10 gráður og skýjað og hreyfi vart vind. Spila-aðstæður voru því mjög góðar enda skiluðu allir spilarar sér í hús með yfir 30 punkta með einni undantekningu.

Krían sem hefur verið ansi spök í sumar var komin í mikinn ham og eirði engum sem hætti sér út á varplendur þeirra. Sumir urðu þó verr úti en aðrir í þessari baráttu eins og sjá má á meðfylgjandi mynd :D

 

TT var í feiknastuði í dag og landaði 40 punktum og þar með sigrinum í annað sinn í sumar. Hanna skilaði 38 punktum í hús, þar af 22 p. á seinni níu og varð í öðru sæti. Ingvar kom á hæla hennar með 37 punkta en hann nagar sig líklega í handarbökin fyrir lakan endasprett (ala Rory Mcllroy á US open) þar sem núllaði tvær síðustu holurnar.

Fyrsti gestaspilari sumarsins mætti með stæl. Þar var hinn knái Jón Ari á ferðinni í golfbíl. Hann er þekktur fyrir fádæma stabila spilamennsku og skilaði að venju fjölmörgum punktum í hús (36) og ennþá fleiri bröndurum.

Það var dómur spilara á 19. holu að Haffi ætti skilið aukastig fyrir hetjulega baráttu við Kríurnar. Þess má geta að hann þurfti að koma við í Nettó á heimleiðinni að kaupa Ariel Ultra. 

 

Í heildarstigakeppninni er toppbaráttan hnífjöfn og spennandi. Hergeir er með 1 stig forystu á Ingvar og 2ja stiga forskot á Haffa í 3ja sætinu. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Mót-4. Leiran, 10. júní. -RISAMÓT-

Fyrsta Risamót sumarsins var haldið á Leirunni í Sunny KEF síðasta mánudag.

Ekið var úr dandala blíðu í borginni í talsvert meiri blástur sunnan með sjó. Jói Fel kvartaði mest yfir veðurbreytingunni enda kom hann úr Majorca veðri í Hveragerði og var vel sólbakaður. 

Tíu spilarar voru mættir til að berjast um tvöfalda pottinn. Lítil keppni varð um efsta sætið því Ingvar kom sá og sigraði með nokkrum yfirburðum. Hann skilaði 42 punktum í hús og er það langbesti árangur sumarsins á mótaröðinni. Glæsilega gert Ingvar.

Mikil og hörð keppni var aftur á móti um annað sætið og þegar í hús var komið voru þrír kappar, Eggert, Gauti og Haffi allir jafnir með 35 punkta. Kom þá til hins alræmda skrifstofu bráðabana. Gauti var með frábærar fyrri níu (22 p.) en hafði gefið eftir á seinni níu. Eggert og Haffi voru jafnir með 18 punkta á seinni níu og aftur jafnir eftir 12 holur (24 p). Haffi hafði loks 2. sætið með fleiri punkta á síðustu þremur holunum (7 p vs 4 p.). 

Tommi náði þeim ótrúlega árangri að vera parakóngur í sínu holli en ennfremur með langflest X. Á seinni níu paraði hann 3x holur en núllaði 5x. Ótrúlegar sveiflur í spilamennskunni og þrátt fyrir hvert sjankið á fætur öðru hélt Tommi í góða skapið og fær hann aukastig að launum. Þar sem um risamót er að ræða tvöfaldast aukastig.

 

Í heildarkeppninni heldur Hergeir í forystuna en er nú með naumt forskot á Haffa og Ingvar sem koma í næstu sætum. Allt galopið ennþá enda fjölmörg mót eftir.

 

 

 

 

 

 

 

 

 

 

 

 

 

 

 

 

 

 

Mót-3. Mosó, 3. júní.

Þrátt fyrir kulda og trekk var mjög góð mæting á 3ju spilaviku Fram mótaraðarinnar.

14 spilarar voru mættir til leiks, margir vel dúðaðir, enda vel hvasst og hitastig einhverjar 6-7 gráður (raunhitastig að teknu tilliti til vindkælingar nálægt 3 gráðum).

 

Veðurskilyrðin höfðu talsverð áhrif á punktasöfnun spilara því það var í lægri kantinum þessa vikuna. Tryggvi Tryggva skilaði sér í efsta sætið með 34 punkta eftir að hafa leitað til golfkennara að leiðrétta sveifluna eftir fyrri golfkennara í vor. Greinilega góður business í því meðal golfkennara að skemma golfsveiflur ;-)

Tóti og Haffi komu í 2-3 sæti með 33 punkta. 

 

Mótaröðin er enn skammt á veg komin og þess má glöggt sjá merki að efstu fjórir í heildarstigaröðinni eru allir meðal þeirra sem hafa spilað öll 3 mótin til þessa. Hergeir hefur tekið forystuna en Tóti er skammt undan. Víst er að það er nóg eftir af stigum í pottinum og næsta víst að fleiri spilarar munu blanda sér í baráttuna.

 

Hér eru úrslit gærdagsins ásamt heildarstöðu Fram mótaraðarinnar eftir 3 umferðir. 

Vegna kulda flýttu margir sér heim eftir spilamennskuna og engin fær aukastig að þessu sinni.

 

 

 

 

 

 

 

 

 

 

 

 

 

 

 

 

 

 

Mót-2. Mosó, 27. maí

Það viðraði vel fyrir gott skor í annarri spilaviku Fram mótaraðarinnar. Hægur vindur og smá blautt á þannig að flatir tóku vel við. Níu spilarar voru mættir til leiks og skorið var yfir 30 hjá öllum nema tveimur og þrír með skor til lækkunar (skv gamla kerfinu) með meira en 36 punkta. Vel gert strax í maí.

Halli spilaði eins og kóngur og sullaði allflestum púttum ofan í sama hversu langt frá holunni boltinn var. Hergeir og Gauti voru einnig að spila mjög vel með 38 og 37 punkta. Tóti er einnig með sterka byrjun á mótaröðinni með gott skor aðra vikuna í röð.

 

Nú hafa alls 15 spilarar tekið þátt í mótaröðinni og útlit fyrir hörkukeppni. Minnt er á að 10 bestu mót hjá hverjum spilara gilda í sumar. Enn er því tækifæri fyrir gamalkunnug andlit (Beggi, Reynir, Jón Ari,...) sem ekki hafa mætt ennþá að rífa upp settið og mæta til leiks að viku.

 

Einungis þeir sem eru að spila í mótaröðinni verða metnir til stiga í hverri viku. Þeir sem mæta í gestahlutverki 1-3x yfir sumarið fá því ekki stig og spila sér því til ánægju og fyrir félagsskapinn. Þetta er gert til að skekkja ekki innbyrðis keppni þeirra sem eru í baráttunni yfir sumarið.

 

Haukur fær aukastig í þessari viku fyrir að halda uppi góðri stemningu á 19. holu þrátt fyrir erfiðan dag á vellinum, þar sem tannmissir og saursýni komu við sögu. Algerlega til eftirbreytni að láta ekki dapurt punktaskor skemma fyrir góða skapinu.

 

 

 

 

 

 

 

 

 

 

 

 

 

 

 

 

 

 

 

 

Mót-1. Mosó, 20.maí.

Golfsumarið á Fram mótaröðinni er hafið með 18 holum mánudaginn 20. mai. Þrettán spilarar mættu til leiks í þokkalegum aðstæðum. Það blés nokkuð framan af og síðan gerði góðan skúr um miðbikið en ekkert til að kvarta mikið yfir.

 

Skor spilara var upp og ofan en samt býsna gott í upphafi tímabils. Viktori tókst að ná 38 punktum einkum fyrir frábæra fyrri níu (21 p) og stendur uppi sem sigurvegari vikunnar. Hergeir landaði 34 punktum í öðru sæti og Írunn heldur góðum takti og var í 3ja sæti með 33 punkta.

Hér að neðan er úrtslitatafla með punktaskori og stigaskori allra spilara.

 

Stigagjöfin verður þannig í sumar að 10 hæstu punktaskorin hverja viku fá stig (Eurovision stigagjöfin, 1-8, 10, 12).  Að auki fá spilarar 1 stig fyrir mætingu. 10 hæstu stigaskor hvers spilara mynda lokaniðurstöðu sumarsins.

 

Nýjung er sú að heimild er fyrir veitingu aukastiga (max 3 stig) fyrir eftirtektarverð tilþrif á vellinum, áhugaverðan klæðnað, skemmtilegar sögur á 19. holu, eða aðra framgöngu til eftirbreytni. 

Í þetta sinn fær einn aðili aukastig. Siggi var vart lentur á Íslandi frá Köben og gerði ekki ráð fyrir að spila þennan mánudag, en kom sér strax á völlinn og harkaði sér í gegnum 18 holur. Vel gert og algerlega til eftirbreytni.

 

 

 

Spánn 2023

Hér eru drög að dagskrá fyrir Spánarmótið 2023. Við stefnum á að spila a.m.k. 27 holur á dag og tvær keppnir í gangi. Fyrri keppnin er einstaklingskeppni punktaleikur með forgjöf þar sem þrjú bestu skorin af fimm gilda sem Spánarmeistari 2023. Verðlaunin ekki að verri endanum sem verða 240 Evrur, sem gæti þýtt að einhver verður að skila inn áhugamannaskírteininu á næstu leiktíð.

Hin keppnin sem sumir munu örugglega leggja sig meira fram en aðrir er keppnin milli ungra vs. gamla. Gamlir hafa harma að hefna eftir að að þeir lutu í gras 2021. Í þeirri keppni verður keppt í betri bolta, Ryder og nokkrum texas leikjum. Stigagjöf verður þannig að í hverju holli verður keppt um eitt stig eða samtals þrjú stig í hverjum leik fyrir utan Ryderkeppnina þar sem mesti möguleiki stiga í holli er þrjú stig eða samtals níu stig. 

Við förum betur í gegnum þetta þegar út verður komið. 

Góða skemmtun

 

 

 

Lokamót FRAM-mótaraðarinnar 2023.

Lokamót mánudags-FRAM mótaraðarinnar var leikið í Mosó sunnudaginn 17. september.

Fjórtán spilarar voru mættir til þessa úrslitaleiks. 

Aðstæður voru eins og jakkinn sem leikið er um; köflóttar.

Byrjuðum í ágætisveðri en fengum svo grenjandi rigningu á okkur og stinningsgolu. Sluppum inn í skála í hálfleik til að hlýja okkur aðeins fyrir seinni hálfleikinn. Aðstæður urðu bara fínar á seinni 9 holunum og meira að segja lét sú gula aðeins sjá sig þ.a. menn komu nokkuð þurrir inn á 19ándu holu.

Fyrir úrslitamótið var Jói með talsverða stigaforystu í handraðanum eða 66 stig á næsta mann sem var Sigurður Egill Vítamín. Tíðindamaður man ekki eftir jafnmikilli forystu fyrir lokamót eins og þetta árið.

Mótstjórnin hefur þó alltaf náð að kokka upp lokamót þ.a. ekkert er í hendi fyrr enn síðasta högg hefur verið slegið. Það var enginn breyting á þetta árið. 

Leikið var einstaklingskeppni í punktaleik þar sem 160 stig voru í boði fyrir sigurvegarann. Síðan var liðakeppni þar sem 60 stig voru í boði fyrir sigurliðið.  Á fullkomnum degi voru því samanlagt 220 stig í boði fyrir þann sem næði því.

Það var þó ekki Vítamínið sem gerði atlöguna heldur var mættur í stuði gamli kartöflubóndinn úr Safamýri og "defending champion" Hergeir Elíasson.  HE náði sér í 210 stig af þeim 220 sem voru í boði. Sama gerði reyndar annar snillingur sem almennt fer lítið fyrir á mánudagsmótaröðinni, Ingvar Stefánsson. Ingvar sigraði í einstaklingskeppni úrslitadagsins  með því að koma inná 38 pkt. sem er ansi vel af sér vikið m.v. veðuraðstæður.

Jói Fel náði sér í 120 stig á lokamótinum sem nægði honum til að sigra mótaröðina árið 2023 með 12 stiga mun. 

Glæsilega gert Jói og innilega til hamingju með sigurinn. Jói hefur staðið sig vel í sumar og var 100% mætingu sem er einstakt. Kappinn hefur lækkað um heila 10 í forgjöf frá því í vor. Hann setti sér markmið að komast undir 20 í forgjöf í sumar og það tókst heldur betur. Hann mætti með 17,8 í lokamótið og spilaði frábærlega á fyrri 9 holunum í dag (20 pkt.) en gaf talsvert eftir á seinni þegar utanyfirflíkunum fjölgaði vegna kulda og hreyfigetan minnkaði. Þetta hafðist þó allt að lokum og er Jói Fel verðskuldaður sigurvegari sumarins.

Eftir hringinn var sest inn í hátíðarsal Blik Bistro þar sem menn gæddu sér á ljómandi máltíð sem var skolað niður með góðum drykk. Sigurvegarinn var færður í köflótta Jakkann og bikarinn góði afhentur í 19ánda skipti. Að lokum var skálað fyrir sigurvegaranum og hver í sínu horni og hljóði höfðu menn heitstrengingar um að vinna hinn eftirsótta köflóttan Jakka með olnbogabótunum að ári.

 

ÚRSLIT EINSTAKLINGSKEPPNI.

Sæti	Nafn	Pkt.	Bráðabanar	Stig
1	Ingvar	38		160
2	Hergeir	36		150
3	Tommi	34		140
4	Viktor	33	12 pkt. á seinni 9	130
5	Haukur	33	11 pkt. á seinni 9	120
6	Eggert	32		110
7	Gauti	30	16 pkt. á seinni 9	100
8	Jói	30	10 pkt. á seinni 9	90
9	Tóti	29	16 pkt. á seinni 9	80
10	Sig.Egill	29	15 pkt. á seinni 9	70
11	Hanna	28	6 pkt. á síðustu 3 í umspili við Haffa	60
12	Haffi	28	5 pkt. á síðustu 3 í umspili við Hönnu	50
13	Tyggvi	28	15 pkt. á seinni 9	40
14	Viðar	20		30

 

ÚRSLIT LIÐAKEPPNI.

Sæti	Lið	Pkt	Bráðabanar	Stig
1	Hergeir, Tryggvi, Tóti	44	20 pkt. á síðustu 8	60
2	Gauti, Ingvar, Hanna	44	19 pkt á síðustu 8	50
3	Tommi, Haffi	38	20 pkt. á síðustu 9	40
4	Jói, Haukur	38	16 pkt. á síðustu 9	30
5	Sig.Egill, Eggert	36	19 pkt. á síðustu 9	20
6	Viktor, Viðar	36	17 pkt. á síðustu 6	10

 

LOKASTAÐAN 2023:

Sæti	Nafn	Samtals Stig
1	Jói Fel	698
2	Hergeir	686
3	Tommi	670
4	Viktor	622
5	Sig.Egill	602
6	Haukur	600
7	Gauti	592
8	Tóti	582
9	Tryggvi	572
10	Haffi	480
11	Eggert	452
12	Hanna	380
12	Ingvar	338
14	Halli	288
15	Írunn	140
16	Beggi	135
17	Reynir	78
18	Viðar	76
19	Hilmar	26

 

Að lokum til heiðurs siguurvegaranum...

R

O

L

E

X

W

E

L

L

P

L

A

Y

E

D

J

Ó

I

F

E

L

S

E

E

Y

O

U

A

T

H

L

Í

Ð

A

V

Ö

L

L

U

R

M

O

S

F

E

L

L

S

B

Æ

2

0

2

4

 

 

Lokamót - Stigagjöf og ráshópar

 

Lokamótið fer fram í MOSÓ á sunnudaginn, 17. sept.

 

Mæting hjá öllum er kl. 13, og helst ekki mikið seinna.

 

Fyrsti ráshópur fer út á 1. teig kl. 13:33 og svo koll af kolli.

Fyrsti ráshópur fer svo í gegn á 10. teig kl. 15:48 og svo koll af kolli.  

Ráshópar, lið, haldast út allan hringinn., þ.e. engar breytingar gerðar í hálfleik.

 

Fyrirkomulagið er:

1. Einstaklingskeppni (pkt).

2. Liðakeppni (betra pkt. á holu pr. lið).

ATH. tvö lið eru skipuð 3 mönnum og hafa því 3 sjénsa á besta skori liðs.

 

Einn í hverju holli sér um að slá skorið inn í Golfbox.

MUNA !: ekki senda neitt inn fyrr en mótið hefur verið gert upp. 

 

Hvert holl tekur með sér skorkort og skráir betra skorið í liðkeppninni inná kortið.

 

Lið nr.	Ráshópar
1	Jói	Haukur
2	Viktor	Viðar
3	Sig.Egill	Eggert
4	Tommi	Haffi
5	Gauti	Ingvar
	Hanna
6	Tryggvi	Hergeir
	Tóti

 

STIGAGJÖF:

Sæti	Einstaklings	Lið
1	160	60
2	150	50
3	140	40
4	130	30
5	120	20
6	110	10
7	100
8	90
9	80
10	70
11	60
12	50
13	40
14	30

 

STAÐAN FYRIR LOKAHRINGINN - feitletraðir eru þáttakendur í lokamóti:

Sæti	Nafn	STIG
1	Jói	578
2	Sig.Egill	512
3	Tommi	490
4	Viktor	482
5	Hergeir	476
6	Tryggvi	472
7	Haukur	450
8-9	Gauti	442
8-9	Tóti	442
10	Haffi	390
11	Eggert	322
12	Halli	288
13	Hanna	270
14	Írunn	140
15	Beggi	135
16	Ingvar	128
17	Reynir	78
18	Viðar	36
19	Hilmar	19