9. mót - Mosó, 27. júní -

Það var metþáttaka í níunda móti sumarsins s.l. mánudagskvöld. 14 spilarar mættir við frábærar aðstæður í sannkallaðri dandalablíðu við Leiruvoginn það kvöld. 

Skorið var í takt við veðrið, allgott hjá langflestum. Nokkrir kenndu þó logninu um ófarir sínar, enda nokkrir góðir rok-spilarar í hópnum og kunna illa við lognið.

Það var gaman að sjá Binnsa mættan í slaginn á tryllitækinu sínu. Tíðindamaðurinn er ekki frá því að einhverjir ungar á Blikastaðanesinu hafi orðið fleygir á mettíma eftir að gamli lurkurinn var búinn að rúnta þar um.

Tóti stóð sig best þetta kvöldið og skilaði inn frábæru skori. Hann myndaði par með Eggerti á hringnum, sem gengur nú um stundir um dimma dali í golfinu. Það var þó ekki fyrr en Tóti barði hann með 7-járninu á 18 holu að litli málarinn hrökk allt í einu allt í gang og sló 3 falleg högg. Málarinn hafði svo orði að Tóti hefði betur lamið hann fyrr á hringnum, þá væri staðan önnur og betri. En svona bara gengur þetta í sportinu, upp og niður.  Eggert heldur nú til fæðingarstaðar leiksins, Skotlands, þar sem til stendur að ná sambandi við golfguðinn (og Bakkus).  Búast má við gríðarlegri endurkomu ef ekki endurfæðingu í næstu mótum hjá kappanum.

Tóti tyllti sér á toppinn með frammistöðunni og er til alls vís þetta sumarið. 

Næsta mánudag stendur til að fara á útivöll, nánar tiltekið Grindavík. Nánar um það síðar frá háttvirtum Mótastjóra.

 

ÚRSLIT:

Sæti	Nafn	Punktar	Bráðabanar	Verðlauna-stig	Mætingar-stig	Samtals
1	Tóti	39		5	1	6
2	Tommi	37		3	1	4
3	Haukur	36		2	1	3
4	Hergeir	35	22 p. á seinni 9	1	1	2
5	Jói	35	21 p. á seinni 9		1	1
6	Hanna	35	18 p. á seinni9		1	1
7	Binni	34			1	1
8	Ingvar	33			1	1
9	Gauti	31			1	1
10	Jón Ari	30			1	1
11	Haffi	29	18 p. á seinni 9		1	1
12	Sig.Egill	29	14 p. á seinni 9		1	1
13	Halli	29	13 p. á seinni 9		1	1
14	Eggert	28			1	1

 

STAÐAN:

Sæti	Nafn	Stig
1	Tóti	28
2	Hergeir	26
3	Viktor	24
4	Halli	21
5	Tommi	18
6	Haffi	17
7	Haukur	15
8	Jói	12
9	Sig.Egill	11
10	Gauti	10
11	Eggert	9
12	Ingvar	6
13	Jón Ari	4
14-15	Binni	1
14-15	Hanna	1

8. mót - Mosó, 20. júní -

Það voru 4 höfðingjar mættir í Mosó s.l. mánudagskvöld. Margir fjarverandi, allsgáðir,  við að draga björg í bú .

Eftirfarandi skýrsla var fengin frá heimildamanni á vellinum;

 

Veður var með ágætum og vallaraðstæður.

Lítið tíðinda, Tommi þrípúttað átta sinnum og Eggert átti sex punktalausar holur. 

Allir fengu fullt af stigum og eru ánægðir með þau.

 

ÚRSLIT:

Sæti	Nafn	Punktar	Bráðabanar	Verðlauna-stig	Mætingar-stig	Samtals
1	Tommi	31		5	1	6
2	Gauti	30		3	1	4
3	Haffi	28		2	1	3
4	Eggert	25		1	1	2

 

STAÐAN:

Sæti	Nafn	Stig
1-2	Viktor	24
1-2	Hergeir	24
3	Tóti	22
4	Halli	20
5	Haffi	16
6	Tommi	14
7	Haukur	12
8	Jói	11
9	Sig.Egill	10
10	Gauti	9
11	Eggert	8
12	Ingvar	5
13	Jón Ari	3

7. mót - Brautarholt, 13. júní- - RISAMÓT -

Það var slegið í RISA-mót í Brautarholti s.l. mánudag. Mótstjóri er í góðu skapi þessa dagana og dælir út RISA-mótum þegar vel hentar. Brautarholt tók á móti mönnum eins og sönnum Kjalnesingi sæmir...með góðu roki en þó ekki rigningu né miklum kulda. Skorið var því frekar í rýrari kantinum þegar mótið var gert upp. 

Einn gamalreyndur spilari lét ekki smávægilegan gust slá sig útaf laginu og kom inná allgóðum 33 pkt. Þar var náttúrulegi hinn eini sanni H.Elíasson á ferð. Alveg magnað að maður sem sem teygir sig tæpa 2 mtr. yfir sjávarmál og notar skónúmer 36 skuli vera svona stöðugur í vindi. Það er sko ekki öllum gefið. Þetta er líklega leyfar af því að standa sterkur í miðri vörn í hand-og fótknattleik og hreyfast sem minnst.

Mótaröðin er alveg galopinn og spennandi. Næsta mót er fyrirhugað á mánudag. Reikna má með fámenni þar sem allnokkrir leikmenn ætla að halda norður í land til að renna fyrir bleikju og urriða, allir allsgáðir að sjálfsögðu.

Minni á að ef 4 skrá sig til leiks þá telst mótafært.

 

ÚRSLIT:

Sæti	Nafn	Punktar	Bráðabanar	Verðlauna-stig	Mætingar-stig	Samtals
1	Hergeir	33		10	1	11
2	Halli	31		6	1	7
3	Sig.Egill	27		4	1	5
4	Haffi	26	15 p. á seinni 9	2	1	3
5	Tommi	26	14 p. á seinni 9		1	1
6	Haukur	26	13 p. á seinni 9		1	1
7	Ingvar	23			1	1
8	Eggert	22			1	1
9	Tóti	21			1	1
10	Gauti	18			1	1

 

STAÐAN:

Sæti	Nafn	Stig
1-2	Viktor	24
1-2	Hergeir	24
3	Tóti	22
4	Halli	20
5	Haffi	13
6	Haukur	12
7	Jói	11
8	Sig.Egill	10
9	Tommi	8
10	Eggert	6
11-12	Ingvar	5
11-12	Gauti	5
14	Jón Ari	3

6. mót - Mosó, 6. júní -

Það voru 8 mættir í Mosann s.l. mánudagskvöld. Samkvæmt heimildarmanni var veður ágætt en rigndi nokkuð duglega á kafla.

Tíðindamaður var fjarverandi og skýrsla heimildarmannsins um mótið var frekar þunn. 

Viktor heldur áfram uppteknum hætti og er að spila manna best þessa dagana. Annað mótið í röð setur hann í 40 pkt. og dugði það til sigurs í þetta skiptið en ekki í annað sætið eins og síðast. Glæsilegur árangur hjá kappanum. Þetta þýðir bara eitt; kallinn er rassfastur í toppsætinu.

En fjörið heldur áfram mánudag eftir mánudag og það þýðir ekkert að halda að eitthvað sé fast í hendi, staðan breytist hratt. 

Mótstjóri hefur gefið út að næsta mót verði leikið á útvelli, nánar tiltekið á hinum frábæra Brautarholtsvelli og sem meira er að það verður slegið í RISA-mót og feit stig í boði fyrir þá sem þora og skora.

 

ÚRSLIT:

Sæti	Nafn	Punktar	Bráðabanar	Verðlauna-stig	Mætingar-stig	Samtals
1	Viktor	40		5	1	6
2	Hergeir	34		3	1	4
3	Halli	32		2	1	3
4	Tóti	30		1	1	2
5	Haffi	29			1	1
6	Gauti	28			1	1
7	Jói	27			1	1
8	Eggert	23			1	1

 

STAÐAN:

Sæti	Nafn	Stig
1	Viktor	24
2	Tóti	21
3-4	Halli	13
3-4	Hergeir	13
5-6	Haukur	11
5-6	Jói	11
7	Haffi	10
8	Tommi	7
9-10	Sig.Egill	5
9-10	Eggert	5
11-12	Ingvar	4
11-12	Gauti	4
13	Jón Ari	3