2. júlí...Mót nr. 9...Leiran

Það er greinilega HM mánuður þar sem í þriðja skiptið í röð mæta 11 til leiks á HOS-mótaröðina. Og alveg eins og á HM mæta 11 bestu hverju sinni til að berjast um stigin dýrmætu sem leiða menn í áttina að Jakkanum. Í þetta skiptið var leikið á ljómandi góðum Leiru-velli á Suðurnesjum. Völlurinn hafði verið vettvangur Íslandsmóts í holukeppni, degi fyrr, og var í góðu standi þegar HOS-verjar mættu. Flatir voru þó óvenjuhægar m.v. fyrri ár í Leirunni en líklega má þar kenna um vætutíðinni sem hefur herjað á SV-horn landsins.

Það var enginn annar en Þór Björnsson sem kom sá og sigraði í gærkvöldi á fínum 37 pkt. og smá forgjafarlækkun. Þetta var annar sigur Tóta á mótaröðinni í sumar og fleytti þessi honum í efsta sæti mótaraðarinnar. Vel gert Tóti og til hamingju!

Annars voru úrslitin nokkuð tvískipt, annarsvegar þeir sem voru með 30 pkt. og meira og restin með talsvert minna.

Binninn og Mótstjórinn voru mættir sólbrúnir og sællegir frá suðurströndum Evrópu. Þar höfðu kapparnir dvalið við æfingar og Carlos-drykkju í +30°C. Þeim var snarlega kippt til jarðar af íslenska sumrinu og boðnir velkomnir heim. Þeir verða væntanlega búnir tempra blóðhitann fyrir næsta mót og mæta sterkir þá.

 

Úrslit kvöldsins:

Sæti	Nafn	Pkt.	B.banar
1	Tóti	37
2	Ingólfur	33
3	Tommi	32
4	Jói	31
5	Írunn	27	9
6	Haukur	27	6
7	Viktor	27
8	Eggert	26
9	Jón Ari	25
10	Halli	24
11	Binni	18

 

STAÐAN
Sæti	Nafn	7.maí	14.maí	21.maí	28.maí	4.jún	11.jún	18.jún	25.jún	2.júl	Samtals
1	Tóti	26		34	44	36	40	38	42	40	300
2	Hergeir	34	28	36	40	32	36	30	46		282
3	Haukur	28	34	24	38	28	28	32	38	30	280
4	Tommi		36	38	48	20	26	22	50	36	276
5	Jói	30	32	22	36	38		40	36	34	268
6	Halli	32	38	40	42	40	38			22	252
7	Viktor	36	40		24	16	20		48	28	212
8	Sig.Egill		22	28	20	22	32	24	32		180
9	Tryggvi	40			46	26	34	26			172
10	Hanna	38		20		18		36	44		156
11	Eggert				34	34	18		30	26	142
12	Írunn		26	26	28		24			32	136
13	Haffi		30	30	30	14	30				134
14	Jón Ari			18	26	30		34		24	132
14	Raggi L.K.		24	16	22	12	16	20			110
16	Ingólfur				32					38	70
17	Ingvar							28	40		68
18	Hemmi			32		24					56
19	Binni								34	20	54
20	Óli				50						50
21	Jónas						22				22

25. júní...RISAMÓT nr. 8...Grindavík

Sól, sjór, sandur og ljúfur vindur mætti okkur í Tenerife Grindavík í gærkvöldi. Menn skelltu á sig sólarvörn no. 35 og héldu útá frábæran Húsatóftavöll í hitastigi sem heldur mjólk kaldri. Völlurinn kom Tíðindamanni skemmtilega á óvart þar sem langt er síðan hann heimsótti þessa perlu á Suðurnesjum. Flatir voru örugglega á pari við það besta sem finnst hér á landi, flestar rennisléttar og hraðar. Völlurinn er í talsverðri mótun og verið að gera nýjar flatir og sandglompur á nokkrum stöðum og á hann bara eftir að verða flottari þegar fram líða stundir. Þessi völlur verður örugglega heimsóttur síðar, þegar lognið verður á minni ferð en í gærkvöldi.

Annars kom Tommi sá og sigraði á flottum 34 pkt. Kappinn fékk þrjá fugla á fyrri níu holunum "þar af einn á tíundu" eins og hann orðaði það skemmtilega eftir hring. Líklega má taka undir það þar sem 12 fyrstu holurnar er leiknar fyrir ofan veg og síðan 5 neðan við veg áður en leikið er að skála á 18ándu holunni. Skáli og öll aðstaða er til fyrirmyndar hjá Grindjánunum enda eru þeir að fara halda Íslandsmót 35+ ára þarna um næstu helgi.

Annars var keppnin spennandi um önnur sæti og harðir skrifstofubráðabanar háðir þar sem nokkrar kærur bárust, þó innan tilsetts kærufrests, og var tillit tekið til þeirra allra. 

Binni Stefáns mætti í fyrsta sinn á árinu og væri gaman að sjá meira af honum enda fáir með jafnmjúka og ljúflétta sveiflu en kappinn sá.

Staðan í mótinu er flókin og erfitt að rýna í hana þar sem menn hafa mætt misjafnlega vel. Það vinnur enginn þessa sterku mótaröð í júní og ekki heldur í júlí né ágúst en það er jafnljóst að gott er leggja vel inná kortið fyrir lokamótið í september byrjun. Það segir reynslan.

 

Úrslit kvöldsins:

Sæti	Nafn	Pkt.	B.banar
1	Tommi	34
2	Viktor	28	6
3	Hergeir	28
4	Hanna	28
5	Tóti	27	9
6	Ingvar	27
7	Haukur	26
8	Jói	25	9
9	Binni	25
10	Sig.Egill	24
11	Eggert	23

 

STAÐAN
Sæti	Nafn	7.maí	14.maí	21.maí	28.maí	4.jún	11.jún	18.jún	25.jún	Samtals
1	Hergeir	34	28	36	40	32	36	30	46	282
2	Tóti	26		34	44	36	40	38	42	260
3	Haukur	28	34	24	38	28	28	32	38	250
4	Tommi		36	38	48	20	26	22	50	240
5	Jói	30	32	22	36	38		40	36	234
6	Halli	32	38	40	42	40	38			230
7	Viktor	36	40		24	16	20		48	184
8	Sig.Egill		22	28	20	22	32	24	32	180
9	Tryggvi	40			46	26	34	26		172
10	Hanna	38		20		18		36	44	156
11	Haffi		30	30	30	14	30			134
12	Eggert				34	34	18		30	116
13	Raggi L.K.		24	16	22	12	16	20		110
14	Jón Ari			18	26	30		34		108
15	Írunn		26	26	28		24			104
16	Ingvar							28	40	68
17	Hemmi			32		24				56
18	Óli				50					50
19	Binni								34	34
20	Ingólfur				32					32
21	Jónas						22			22

18. júní...Mót nr. 7...Mosó

Nú þegar HM í fótbolta er farin að rúlla þá var vel við hæfi að 11 leikmenn væru mættir til leiks á sjöunda HOS-mótið í gærkvöldi. Og ekki bara einhverjir ellefu veifiskatar heldur þeir ellefu bestu alveg eins og landsliðið á á HM. Talandi um HM þá voru þeir félagar úr Safamýrinni, Jói og Hergeir, mættir, nánast beint úr flugi frá Rússlandi, marineraðir af rússneskum vodka og kavíar. Það var því viðeigandi að Jói mætti í Argentínu-treyju nr. 10 með vindil alveg eins og Maradonna í stúkunni. Hann sýndi svo glæsilega takta á golfvellinum og sigraði mótið á flottum 37 pkt. og smá forgjafarlækkun í kaupbæti. Hinn Rússinn, H.Elíasson, nýtti svo tækifærið og settist á toppinn í samanlögðu og velti þar með Halla Spánarfara af stalli a.m.k. um tíma. Svo mætti Ingvar Stefáns í fyrsta skiptið á árinu og var gaman að sjá hann á vellinum svona alveg 100%. Skorið hans var uppá 70% og er 97% klárt að hann reyni að bæta það næst þegar hann mætir. Tóti er að koma sterkur inn og er til allslíklegur í FRAMhaldinu. Einnig telur Tíðindamaður að tíðinda sé að vænta frá Ragga L.K. Hann ku víst hafa lagt drævernum eftir 9 holur og 5 pkt. en fékk 17 pkt., án drævers, á seinni 9 holunum. Er Raggi búinn að finna leyniformúluna ? Það kemur í ljós í næsta móti sem verður ekki að verri endanum þar sem splæst verður í RISA-mót og líklega verður leikið á útivelli. Meira um það þegar nær dregur. 

 

Úrslit kvöldsins:

Sæti	Nafn	Pkt.	B.banar
1	Jói	37
2	Tóti	35
3	Hanna	33
4	Jón Ari	32
5	Haukur	30
6	Hergeir	29	9
7	Ingvar	29
8	Tryggvi	28
9	Sig.Egll	27	9
10	Tommi	27
11	Raggi L.K.	22

 

STAÐAN
Sæti	Nafn	7.maí	14.maí	21.maí	28.maí	4.jún	11.jún	18.jún	Samtals
1	Hergeir	34	28	36	40	32	36	30	236
2	Halli	32	38	40	42	40	38		230
3	Tóti	26		34	44	36	40	38	218
4	Haukur	28	34	24	38	28	28	32	212
5	Jói	30	32	22	36	38		40	198
6	Tommi		36	38	48	20	26	22	190
7	Tryggvi	40			46	26	34	26	172
8	Sig.Egill		22	28	20	22	32	24	148
9	Viktor	36	40		24	16	20		136
10	Haffi		30	30	30	14	30		134
11	Hanna	38		20		18		36	112
12	Raggi L.K.		24	16	22	12	16	20	110
13	Jón Ari			18	26	30		34	108
14	Írunn		26	26	28		24		104
15	Eggert				34	34	18		86
16	Hemmi			32		24			56
17	Óli				50				50
18	Ingólfur				32				32
19	Ingvar							28	28
20	Jónas						22		22

11. júní...Mót nr. 6...Mosó

Það voru 13 spilarar sem létu sjá sig á 6.móti sumarsins sem haldið var í blíðskaparveðri á heimavellinum. Völlurinn var alveg í toppstandi enda hafði hann verið settur upp fyrir mótaröð þá næstbestu dagana á undan svokallaða; Eimskipamótaröð, en eins og allir vita þá er mótaröð þeirra allra bestu leikin á mánudagskvöldum. Og ekki voru áhorfendur sviknir af tilþrifunum sem voru í boði.  T.d. mætti hópur af heldri frúm Mosfellsbæjar á svalirnar á klúbbhúsinu þegar núverandi meistari mótaraðarinnar, TT, sló upphafshög sitt á 10. holu. TT stóðst pressuna með sóma þrátt fyrir talsvert skvaldur í kellingunum. Mátti sjá nokkrar hlaupa beint inn á klósett til að skipta um bleyju eftir að meistarinn sló.

Annars mætti góður gestur til leiks í gærkvöldi. Það var enginn annar en einn af stofnendum mótaraðarinnar, Jónas Björnsson.  Jónas hefur haldið sig frekar til hlés í golfinu eftir að hann flutti norður yfir heiðar og hefur aðallega stundað sundleikfimi í Glerárlaug og þykir víst nokkuð góður í því segja menn sem hafa séð til hans. Hann var þó fljótur að tileinka sér allt sem þarf til að leika á mótaröð þeirra bestu í gærkvöldi og var sérstaklega gaman að sjá að hann hefur ekki gleymt því sem fyrrum klúbbmeistari kenndi honum þ.e. hvernig skal slegið úr sandglompu. Að vísu þurfti hann smá hvatningu frá öðrum meistara sem lofaði honum bjórsopa ef hann næði úr glompunni og inná grín (70 mtr högg á 16. holu). Þetta leysti kappinn eins og ekkert væri og þáði góðan bjór að launum . 

Skor efstu manna var alveg frábært og munu 3 spilara þiggja lækkun á forgjöf að launum. Maður kvöldsins var sigurvegarinn, Tóti, með glæsilega sýningu uppá 39 pkt. Það er vel gert Tóti .

 

Úrslit kvöldsins:

Sæti	Nafn	Pkt.	B.banar
1	Tóti	39
2	Halli	37	9
3	Hergeir	37
4	Tryggvi	32
5	Sig.Egill	31	9
6	Haffi	31
7	Haukur	31
8	Tommi	30
9	Írunn	28
10	Jónas	26
11	Viktor	23
12	Eggert	22
13	Raggi L.K.	18

 

STAÐAN
Sæti	Nafn	7.maí	14.maí	21.maí	28.maí	4.jún	11.jún	Samtals
1	Halli	32	38	40	42	40	38	230
2	Hergeir	34	28	36	40	32	36	206
3-4	Haukur	28	34	24	38	28	28	180
3-4	Tóti	26		34	44	36	40	180
5	Tommi		36	38	48	20	26	168
6	Jói	30	32	22	36	38		158
7	Tryggvi	40			46	26	34	146
8	Viktor	36	40		24	16	20	136
9	Haffi		30	30	30	14	30	134
10	Sig.Egill		22	28	20	22	32	124
11	Írunn		26	26	28		24	104
12	Raggi L.K.		24	16	22	12	16	90
13	Eggert				34	34	18	86
14	Hanna	38		20		18		76
15	Jón Ari			18	26	30		74
16	Hemmi			32		24		56
17	Óli				50			50
18	Ingólfur				32			32
19	Jónas						22	22

4. júní...Mót nr. 5...Mosó

Það viðraði loks vel til golfleiks á 5. móti sumarsins sem haldið var heimavellinum. Og það viðraði sannarlega vel til loftárasa hjá Halla og Jóa sem létu punktunum rigna yfir skorkortið. Halli spilaði sitt besta golf frá upphafi og notaði aðeins 79 högg í hringnum, frábærlega gert og er hann vel að efsta sætinu kominn. Jói er að vakna og skutlaði í 40 punkta á gallabuxunum. Hann er að íhuga að mæta í rifnum gallabuxum næst til að toppa þetta. Sérlegur útlits- og fataráðgjafi mótaraðarinnar (Hr. Boss) mun gefa sitt álit sitt á því. Talsvert jafnræði var með mönnum og mikið að gera á skrifstofunni á 19ándu. Nýjir menn eru að þoka sér upp töfluna og munu örugglega kynda vel undir efsta manninum sem mætir með spánýja og lægri forgjöf í næsta mót.  Þetta verður spennandi allt til enda.

 

Úrslit kvöldsins:

Sæti	Nafn	Pkt.	B.banar
1	Halli	41
2	Jói	40
3	Tóti	35
4	Eggert	32	6
5	Hergeir	32
6	Jón Ari	32	9
7	Haukur	32
8	Tryggvi	28
9	Hemmi	27	9
10	Sig.Egill	27
11	Tommi	26	6
12	Hanna	26
13	Viktor	26
14	Haffi	23
15	Raggi L.K.	19

 

STAÐAN
Sæti	Nafn	7.maí	14.maí	21.maí	28.maí	4.jún	Samtals
1	Halli	32	38	40	42	40	192
2	Hergeir	34	28	36	40	32	170
3	Jói	30	32	22	36	38	158
4	Haukur	28	34	24	38	28	152
5	Tommi		36	38	48	20	142
6	Tóti	26		34	44	36	140
7	Viktor	36	40		24	16	116
8	Tryggvi	40			46	26	112
9	Haffi		30	30	30	14	104
10	Sig.Egill		22	28	20	22	92
11	Írunn		26	26	28		80
12	Hanna	38		20		18	76
13-14	Raggi L.K.		24	16	22	12	74
13-14	Jón Ari			18	26	30	74
15	Eggert				34	34	68
16	Hemmi			32		24	56
17	Óli				50		50
18	Ingólfur				32		32

28. maí...RISA-mót nr. 4...Akranes

Það voru 16 mættir í fjórða mót "sumarsins" sem haldið var á Akranesi í gærkvöldi. Veðrið lofaði góðu á fyrri 9 holunum en svo tók að blása og kólna verulega. Menn voru því nokkuð veðurbarðir þegar mætt var á 19ándu til uppgjörs. Að sjálfsögðu var splæst í RISA-mót þar sem þetta var fyrsti útivöllur sumarsins og mótastjóri hefur alltaf haft fyrir reglu að halda a.m.k. eitt risamót í mánuði. Það var því ekki seinna að vænna þar sem þessi blautasti maí frá upphafi mælinga er að renna sitt skeið...og megi hann fara norður (aðallega) og niður þ.e. maí-mánuðurinn 2018.

Menn létu þó ekki veðrið aftra sér frá góðu skori og sumir bara allgóðu eins og t.d. Óli formaður á glæsilegum 37 pkt. og smálækkun á forgjöf. Tommi er líka að spila vel þessa dagana og virðast Skotalandsæfingaferðir koma sterkar inn í þessar aðstæður.

Á næsta mánudag verður kominn júní og tíðindamaðurinn sver það við skegg spámannsins að leikið verður við a.m.k. +10° á Celcius kvarða, fjandinn hafi það .

 

Úrslit kvöldsins:

Sæti	Nafn	Pkt.	B.banar
1	Óli	37
2	Tommi	35
3	Tryggvi	33	síðustu 6
4	Tóti	33
5	Halli	31
6	Hergeir	30
7	Haukur	29
8	Jói	28
9	Eggert	26	seinni 9
10	Ingólfur	26
11	Haffi	25
12	Írunn	24
13	Jón Ari	20
14	Viktor	17	18ánda
15	Raggi L.K.	17
16	Sig.Egill	15

 

STAÐAN
Sæti	Nafn	7.maí	14.maí	21.maí	28.maí	Samtals
1	Halli	32	38	40	42	152
2	Hergeir	34	28	36	40	138
3	Haukur	28	34	24	38	124
4	Tommi		36	38	48	122
5	Jói	30	32	22	36	120
6	Tóti	26		34	44	104
7	Viktor	36	40		24	100
8	Haffi		30	30	30	90
9	Tryggvi	40			46	86
10	Írunn		26	26	28	80
11	Sig.Egill		22	28	20	70
12	Raggi L.K.		24	16	22	62
13	Hanna	38		20		58
14	Óli				50	50
15	Jón Ari			18	26	44
16	Eggert				34	34
17-18	Hemmi			32		32
17-18	Ingólfur				32	32

21. maí...Mót nr. 3...Mosó

Það voru 13 mættir í þriðja mót sumarsins sem leikið var í Sunny Mosó í gærkvöldi. Loksins viðraði sæmilega til golfiðkunar og fór það vel í nokkra leikmenn en eitthvað síður í aðra, séð útfrá punktaskori.

Gamall HAREN-meistari, Jón Ari gleðipinni, mætti til leiks eftir ca. 2 ára fjarveru. Voru þá sameinaðir á ný; Tommi og Jenni. Búast má þá við nokkrum hröðum eltingarleikjum í sumar.  Einnig mætti í fyrsta sinn á árinu Hemmi Hauks, körfuboltasnillingur, og er til mikils vænst af honum enda ekki óvanur að plassera boltum í göt. Að sögn eftir hring sagði Hemmi, aðalmálið í sumar væri að vinna mini-túrinn á Laugarvatni en sá túr samanstendur af, honum, gufurúgbrauðsdrengnum Hergeiri og Þjálfa (Sig.Egill). 

Maður gærkvöldsins var mótastjórinn sjálfur, Halli, með flott skor og er til alls vís með nýju kylfurnar.  Alveg sjóðheitur í sumarkuldanum.  Tommi og Hergeir háðu æsilegan skrifstofubráðabana á 19ándu holu þar sem Tommi hafði það á betra skori á 18.holu, jafnara verður það ekki.

 

Úrslit kvöldsins:

Sæti	Nafn	Pkt.	B.banar
1	Halli	36
2	Tommi	33	18ánda
3	Hergeir	33
4	Tóti	31	6
5	Hemmi	31
6	Haffi	28
7	Sig.Egill	27
8	Írunn	25	9
9	Haukur	25
10	Jói	25
11	Hanna	24
12	Jón Ari	21
13	Raggi L.K.	18

 

STAÐAN
Sæti	Nafn	7.maí	14.maí	21.maí	Samtals
1	Halli	32	38	40	110
2	Hergeir	34	28	36	98
3	Haukur	28	34	24	86
4	Jói	30	32	22	84
5	Viktor	36	40		76
6	Tommi		36	38	74
7-8	Haffi		30	30	60
7-8	Tóti	26		34	60
9	Hanna	38		20	58
10	Írunn		26	26	52
11	Sig.Egill		22	28	50
12-13	Tryggvi	40			40
12-13	Raggi L.K.		24	16	40
14	Hemmi			32	32
15	Jón Ari			18	18

14. maí...Mót nr. 2...Mosó

Annað mót ársins fór fram á Hlíðavelli í gærkvöldi. 10 mættir og þar af 5 í fyrsta sinn á árinu. Hægt og rólega birtast menn á vellinum, svona mis-rykugir eftir veturinn. Sumir hafa ákveðið að reykspóla af stað en aðrir halda aftur af sér og bíða eftir rétta tækifærinu til að springa út.

Eftir að hafa fengið ískalda sturtu af fersku regni/hagli á fyrstu 2-3 holunum þá lagaðist veðrið og var bara skaplegt fram eftir kvöldi, reyndar í kaldara lagi. Menn voru svo rétt komnir inn í skála þegar næsta gusa kom.

Menn kvöldsins voru Viktor og Halli og má segja þeir hafi verið í sérflokki og skiluðu báðir inn flottu skori. Það bar til tíðinda að Halli náði 8 pkt. á Nesinu þrátt fyrir að hafa strikað helming holanna út þ.e. 2 af 4. Örn á 13. holu og fugl á 15. holu sáu til þess. Þeir sem sáu til sögðu engu hafi munað að örninn hafi orðið að Albatros (3 undir pari)...það hefði verið eitthvað.

Þó ekki sé hægt að ráða mikið í stöðuna þá samt má segja að títtnefndir, Viktor og Halli, hafi lagt ágætlega í púkkið eftir fyrstu tvö mótin.

Næsta mót verður haldið næsta mánudag en þá er annar í Hvítasunnu og spurning hvort mótastjóri geri eitthvað spes í tilefni dagsins.

 

Uppgjör kvöldsins:

ÚRSLIT
Sæti	Nafn	Pkt.	B.banar
1	Viktor	36
2	Halli	35
3	Tommi	29
4	Haukur	28	9
5	Jói	28
6	Haffi	25
7	Hergeir	23	9
8	Írunn	23
9	Raggi L.K.	21
10	Sig.Egill	15

 

Staðan:

STAÐAN
Sæti	Nafn	7.maí	14.maí	Samtals
1	Viktor	36	40	76
2	Halli	32	38	70
3-5	Hergeir	34	28	62
3-5	Jói	30	32	62
3-5	Haukur	28	34	62
6	Tryggvi	40		40
7	Hanna	38		38
8	Tommi		36	36
9	Haffi		30	30
10-11	Tóti	26		26
10-11	Írunn		26	26
12	Raggi L.K.		24	24
13	Sig.Egill		22	22

7. maí...Mót nr. 1...Mosó

Það var vel við hæfi að fyrstu kríur sumarsins sæjust á Hlíðavelli á sama tíma og HOS-2018 lagði af stað s.l. mánudagskvöld. Það voru þó aðeins 8 jaxlar sem létu sjá sig enda aðstæður erfiðar; kalt, blautt og vindur. Mótstjóri tók skynsamlega ákvörðun og skar mótið niður í 14 holur og var því leik á Blikastaðanesi sleppt. Menn reyndu að púsla saman einhverju skori og á endanum voru flestir á svipuðu róli og þurfti bráðabana til að útkljá frá þriðja sæti niður í það sjötta. Maður dagsins var enginn annar en sigurvegari síðasta árs; Tryggvi Tryggva. Hann náði að skrapa  saman 23 punktum sem dugði honum til sigurs, Hanna fylgdi þó fast á eftir með punkti minna.  TT var flottur á fyrsta teig með spánýjan dræver og var ekkert að velta því fyrir sér að hausinn á drævernum væri enn i plastinu þegar hann sló sitt fyrsta högg, taldi það bara betra þar sem mikil rigning væri og algjör óþarfi að bleyta nýju kylfuna. Þessi taktík dugði TT til sigurs og ljóst að hann mætir firnasterkur í titilvörnina.  Allir voru svo kátir í lokin á 19ándu þegar skorið var gert upp. Hlökkum til næsta mánudags og vonum að þá verði farið að glitta meira í sumarið. Allavegana lítur völlurinn vel út og verður í flottu standi enda dugar ekkert minna fyrir mótaröð þeirra bestu .  

 

Uppgjör kvöldsins:

ÚRSLIT
Sæti	Nafn	Pkt.	B.banar
1	Tryggvi	23
2	Hanna	22
3	Viktor	19	síð. 9
4	Hergeir	19
5	Halli	19
6	Jói	19
7	Haukur	18
8	Tóti	17

 

Staðan:

STAÐAN 2018
Sæti	Nafn	7.maí
1	Tryggvi	40
2	Hanna	38
3	Viktor	36
4	Hergeir	34
5	Halli	32
6	Jói	30
7	Haukur	28
8	Tóti	26

Mánudagsmótaröðin leggur af stað. Fyrirkomulagið 2018.

Gleðilegt sumar öllsömul !

Þá rennur HOS-lestin af stað enn eitt árið. Gamlir rebbar í bland við einhverja nýja birtast á brautarpallinum.  Allir ætla sér jakkann og bikarinn í haust en eins og alltaf er aðeins einn útvalinn.  Núverandi meistari, TT, hefur átt annansaman tíma frá því hann sigraði s.l. haust við allskonar uppákomur sem fylgir heiðrinum, framkoma í spjallþáttum og viðtöl í glanstímaritum er eitthvað sem sigurvegarinn verður að þola.

Fyrirkomulag sumarsins verður með sama sniði og áður utan þess að nú munu 11 bestu mótin gilda í stað 12 áður.  Hæsta forgjöf sem gefin verður er 36.

Skilmálarnir eru því þessir:

40 stig verða í boði í fyrir sigurvegara og síðan með 2ja stiga millibili niður fyrir hina.

Risamót gefur síðan 50 stig með 2ja stiga millibili.

11 bestu mótin gilda og síðan eins og alltaf bætast stigin í lokamótinu við það.

Hæsta forgjöf gefin er 36.

Ef menn eru jafnir er heðfbundinn skrifstofubráðabani leikin á  19ándu holu.

Lokamótið verður eigi síðar en Laugardaginn 8. september.

 

Góða skemmtun og munið eftir því "að slá í gegn" !