10. mót - Grindavík, 4. júlí- - RISAMÓT -

Það var blásið til RISA-móts s.l. mánudagskvöld þegar leikið var á Húsatóftavelli í Grindavík. Talsverð afföll voru á leikmönnum þar sem sumarleyfitíminn er að hefjast hjá mörgum. Það voru því einungis 5 mættir til að berjast um feit stig sem í boði voru. Það var því ljóst frá upphafi að einn þyrfti að taka reykspólið á planinu að leik loknum.

Veðrið var með ágætum, lítill vindur og þurrt. Það gæti klárlega verið verra á þessum slóðum en þetta mánudagskvöld. Húsatóftavöllur er frekar fjölbreyttur völlur þar sem leikið er annarsvegar um hraunlendi en seinni hlutinn er hreinn og klár linksvöllur, vel sandaður eftir sjávarflóð í vetur. Ástandið á vellinum var fínt. Gæta þarf að spilamennskunni ef skora á vel á þessu velli. Það er stutt í bullið ef menn eru ekki á kylfunni þarna. Það fór þó svo að lokum að allflestir gátu svona nokkurnveginn unað við sitt.

Hörkubráðabanar voru leiknir yfir hammaranum á 19ándu holu en það var hinn gamalreyndi og afar stabíli H.Elíasson, Spaðaás, sem tók stærstu verðlaunin þetta kvöldið og um leið hlammaði kappinn sér á toppinn á FRAM-túrnum.

RISA-mótin eru að gefa vel og fleyta mönnum hátt upp skortöfluna. Nú hefur Spaðaásinn tekið góða forystu þ.a. það er verk að vinna fyrir aðra að halda í við meistarann. 

 

ÚRSLIT:

Sæti	Nafn	Punktar	Bráðabanar	Verðlauna-stig	Mætingar-stig	Samtals
1	Hergeir	36	19 p. á seinni 9	10	1	11
2	Haukur	36	18 p. á seinni 9	6	1	7
3	Sig.Egill	32	18 p. á seinni 9	4	1	5
4	Viktor	32	12 p. á seinni 9	2	1	3
5	Tommi	28			1	1

 

STAÐAN:

Sæti	Nafn	Stig
1	Hergeir	37
2	Tóti	28
3	Viktor	27
4	Haukur	22
5	Halli	21
6	Tommi	19
7	Haffi	17
8	Sig.Egill	16
9	Jói	12
10	Gauti	10
11	Eggert	9
12	Ingvar	6
13	Jón Ari	4
14-15	Binni	1
14-15	Hanna	1